Oboy Dom omborxona menejmenti veb ilova dizayni

Ishning boshini ayni damdagi muammolarni aniqlashdan boshladik. Bu jarayonda jamoamiz bilan UX tadqiqot jarayonida keng qo’llaniladigan “User interview”, “stakeholder interview” va “observation” texnikalaridan unumli tarzda foydalandik. Tadqiqot va kuzatuvlarimiz natijasida quyidagilarni aniqladik:

Sotuvchilar buyurtmalarni ro’yxatdan o’tkazish uchun omborxonaga telefon qilib, mijoz tanlagan mahsulot miqdorini bilishlari kerak. Agar talab qilinayotgan mahsulotdan yetarli miqdor bo’lsa buyurtma yaratiladi.

• Har bir mijozga mahsulotlarni tushuntirib, ularni haridga ko’ndirguncha o’rtacha 5-10 daqiqa.
• Mahsulot miqdorini bilish uchun o’rtacha 2 marta omborxonaga telefon qilinadi.
• Har bir qo’ng’iroq o’rtacha 1 daqiqa vaqt oladi.
• Har bir buyurtmani ro’yxatdan o’tkazishguncha o’rtacha 7-12 daqiqa vaqt ketadi.
• Mahsulotni omborxonadan qabul qilib olib, mijozga topshirish jarayonida xatolik yuz bersa qo’shimcha 20-60 daqiqa vaqt sarflanadi.

Omborxona menenjeri kundalik ish jarayonida 10-15 ta do’kondan buyurtma qabul qiladi. Buyurtmalarni qabul qilib olishda Excelga buyurtma haqida ma’lumot kiritiladi, undan tashqari kundalik savdo daftariga yoziladi, buyurtma qilingan mashulotlar ro’yxati 2 ta nushada qog’ozga tushirilib, bittasi hammolga beriladi:

• Har kuni o’rtacha 80-100 ta buyurtma bajariladi.
• Har bir buyurtmani qabul qilib olib, ro’yhatga olib va hammolga berguncha 4-5 daqida vaqt sarflanadi.
• Buyurtma miqdorini bilish uchun omborxonaga qilingan qo’ng’iroqlar soni o’rtacha 160-200 ta.
• O’rtacha 320-400 daqiqa qo’ng’iroqlarga javob berishga sarflanadi.
• Kunning ohirida do’konlardagi savdo pullari yig’ib olinadi. Ro’yhatdagi buyurtmalar bilan solishtirilib, qarzdorlik miqdori qo’lda hisob-kitob qilinadi. Bu ishga qo’shimcha 45-60 daqiqa vaqt sarflanadi.

Hammollar berilgan ro’yxatga qarab, talab qilingan mahsulotlarni omborxonadan olib chiqib, kurerga topshirishadi:

• Har bir buyurtmaga 5-10 daqiqa vaqt sarflanadi (agar hammol yangi bo’lmasa)
• Yangi hammollar mahsulotlarning joylashgan o’rnini bilmagani uchun 15-20 daqiqada ishni bajarishadi.
• Asosiy muammo mahsulot ID raqami tushirilgan qog’ozlarda, unutib qo’yish yoki yo’qotib qo’yish vaziyatlari tez-tez takrorlanadi.
• Hammollarning adashib, boshqa mahsulot berib yuborishlari tufayli buyurtmani bajarish jarayoni 20-60 daqiqaga cho’zilib ketadi.

Umumiy ish yuritishdagi boshqa muammolar:

• Mahsulotlardan 1-2 ta qolib ketish holatlari ko’p uchraydi. Bunda qolib ketgan mahsulotlar yo keyingi partiyani kutishadi, yo arzon narxda sotib yuboriladi.
• Mijozlar bilan kelishmovchiliklar sodir bo’lishi yana bir muammo. Bunga asosan buyurtmalarni vaqtida yetkazib bera olmaslik sabab bo’ladi.
• Hato tufayli mijoz buyurtma qilganidan boshqa mahsulot yetkazib berilish holatlari ham uchrab turadi. Bu holatlarning mijozlarning norozilik va g’azabiga sabab bo’ladi.
• Qarzdorlik hisob-kitobining tizimlashtirilmaganligi sababli kamomatlar tez-tez sodir bo’ladi. Buning oqibatida ishchilar va rahbarlar orasida kelishmovchiliklar va noroziliklar kuzatiladi.

1-bosqichda aniqlangan ma’lumotlarni tahlil qilganimizda quyidagi asosiy muammolar ayon bo’ldi:

• Asosiy muammo biznes tizimlashtirilmagan, ish jarayonlari qo’lda yuritilati.
• Bozorda tayyor tizimlar mavjud ammo kompaniyalar ulardan foydalanishmaydi. Ular yo juda qimmat yoki ularning ish uslubiga moslashmaydi yoki ishlatishga juda qiyin.
• Odamlarning ko’pchiligi bozorchilar, ularda internet va texnologiya bo’yicha bilimlari kuchli emas.
• Traditsion usullarni xush ko’rishadi, yangilik va yangi texnologiyalarni hushlashmaydi.
• Ish jarayoniga tez moslashadigan oddiy va tez yechimlar tarafdori.

Jamoamiz bilan bo’lgan qizg’in bahs va munozaralardan keyin quyidagi yechimlarga kelishdik

• Omborxona menenjeri uchun butun bizensni qamrab olgan veb ilova.
• Veb ilova buyurtmalarni kontrol qilish, kassadagi pul aylanmalarini va mahsulotlarning miqdorini “live” tarzda nazorat qiladi.
• Ish jarayonini optimallashtirish va samarali tarzda yuritish uchun “dashboard” taqdim qildik.
• Sotuvchilarga buyurtmalarni samarali va tez ro’yxatdan o’tkazish uchun mobil va veb ilova.
• Bu ilovalarning asosiy vazifasi omborxonadagi mahsulot miqdorini ko’rsatish hamda buyurtma ro’yxatga olish jarayonini soddalashtirishdan iborat.
• Mahsulotlarni omborxonadan tezroq chiqarib berishlari uchun hammollarga mobil ilova.
• Ilovaning asosiy maqsadi buyurtmalardagi mahsulotlar haqida to’liq ma’lumot va ularning turar joyini aniq ko’rsatish uchun xarita.

Bu jarayonda unumli natijaga erishish uchun biz quyidagi UX texnikalaridan foydalandik:

• Muammolarning ildizini aniqlashda “5 whys” texnikasini ishlatdik.
• “Persona” nadan auditoriyamizning asl maqsad, zaruratlari va hohish-istaklarini aniqlashda foydalandik.

O’ylab topgan yechimlarimiz foydalanuvchilarimiz uchun maqulmi yo’qmi bilishimiz uchun bir nechta uslublardan foydalandik:

• Rejalashtirilgan yechimning hammaga tushunarli bo’lishi uchun jamoamiz bilan “User flow” foydalandik. Bu bizga qilishimiz kerak bo’lgan ishlarimiznig aniq tushunishda juda qo’l keldi.
• “Low-fi wireframe” bizning keyingi qo’llagan usulimiz bo’ldi. Yechimlarimizni foydaluvchilar bilan sinab ko’rishimiz uchun bizga tez va sodda dizayn kerak edi. “Wireframe bizga ayni shu qulaylik taqdim qildi. Ishimiz osonroq kechishi uchun “wireframe”ni prototip holatiga keltirdik.
• Foydalanuvchilardan fikr va mulohazalarni olish uchun “User testing” texnikasini qo’lladik. Bo’libam, “contextual user testing”-yani bu texnikani qo’llash uchun biz foydalanuvchilarning ishlash joylariga borib, yechimlarimiz ishlatib ko’rishlarini so’radik. Jarayon davomida ulardan foydali takliflar, mulohazalar va fikrlarni oldik.

Yechimlarimiz foydalanuvchilarga maqulliliga ishonch hosil qilgach keyingi bosqichga o’tdik:

• Yechimlarimizni “hi-wi mockup”-yani so’ngi ko’rinish dizaynini chizdik.
• “Wireframe” lar foydalanuvchilarda dastlabki fikr-mulohazalarni olishda juda yaxshi, lekin yechimlarning so’ngi ko’rinishini ham test qilishimiz kerak edi.
• “Contextual user testing” qilishimiz uchun dizaynlarimizni prototip holatiga keltirdik.
• So’nggi ko’rinish dizaynlarimizni foydalanuvchilar bilan test qildik. Bu safar ham ulardan qimmatli takliflar va fikr mulohazalarni olib, dizaynga tegishli o’zgartirishlarni kiritdik.

Taqdim qilgan yechimlarimiz gulqag’oz bozoridagi kompaniyalarga quyidagi foydalarni keltirdi: